ඔබ එදිනෙදා කරන අධික තරබාරුවට හේතු වන පුරුදු 9 ක්

බර අඩු කරගන්න කියලා අපේ කාන්තාවන් කොයි තරම් මහන්සි වෙනවද? අධික තරබාරුකම කියන්නෙ ඇත්තටම කරදරයක්. කැමති කෑමක් කන්න බෑ, කැමති ඇඳුමක් අඳින්න බෑ. ඉතින් ඇඟ මහත කට්ටිය මේ නිසා ගොඩක් දුක් වෙනවා. ඔන්න අද අපි මහත නිසා කලකිරිලා ඉන්න අයට වැදගත් ලිපියක් තමයි අරගෙන ආවේ.

ඔයා කාලයක් තිස්සේ ක්ෂණික ආහාර ගන්න එක නවත්වලා දවස ගානේ ව්‍යායාම කලත් බර අඩු කරගන්න බැරි වුණා නේද? ඒකට හේතුව තමයි කෑම පාලනයෙන් විතරක් බර අඩු කරගන්න බෑ. ඔයා සෞඛ්‍යමත් දිනපතා පුරුදු වලට හුරු වෙන්නත් ඕන. කෑම පාලනයට අමතරව ඔයා අතහරින්න ඕන උදෑසන පුරුදු කිහිපයක් ගැන තමයි අපි අද ඔයාව දැනුවත් කරන්නේ.

01. ඕනෑවට වඩා නිදාගැනීම

ඔයා ගොඩක් කෙටි නින්දක් ලබා ගන්නවා නම් එමගින් ඔයාගේ ශරීරය ආතතියට ප්‍රතිචාර දක්වන කෝටිසෝල් කියන හෝමෝනය වැඩියෙන් හදනවා. කෝටිසෝල් හෝමෝනය මගින් ඔයාගෙ කෑම රුචිය වැඩි කරනවා. කොහොම වුණත් ඕනෑවට වඩා නිදාගන්න එකත් හොඳ නෑ. දවසට පැය 10කට වඩා නිදාගන්න අයගේ ශරීර ස්කන්ධ දර්ශක හෙවත් BMI අගය වැඩි වෙනවා කියලා පරීක්ෂණයකින් හොයාගෙන තියනවා. ඒ නිසා තමයි දවසට පැය 7-9ක නින්දක් ලබා ගන්න කියලා වෛද්‍යවරු කියන්නේ.

02. උදේට හිරු එළිය ලබා නොගැනීම

උදේට අවදි වුණු ගමන් කාමරයේ ජනෙල් රෙදි විවෘත කරන්න. උදේ පාන්දර හිරුගෙන් නිකුත් වෙන නිල් ආලෝක තරංග ඔයාගේ පරිවෘත්තිය ක්‍රියා වැඩි කරන නිසා ඔයාගේ ශරීරය අවදි කරන්න උදව් වෙනවා කියලා අධ්‍යයනයකින් හෙළි වෙලා තියනවා. දවල් ආලෝකයේ විනාඩි 20-30ක් හිටියොත් ඒකෙන් ඔයාගේ ශරීර ස්කන්ධ දර්ශකයටත් හොඳ බලපෑමක් ඇතිවෙනවා.

03. ඇඳ අස් නොකිරීම

අමුතු දෙයක් වගේ පෙනුනත් මේක ඇත්තක්. අධ්‍යයනයකින් හෙළිවුණේ ඇඳ අස් කරපු අයට හොඳ නින්දක් ලබාගන්න පුලුවන් වුණා කියලයි. ඇත්තටම නීරෝගී නින්දක් කියන්නේ නීරෝගී බරක් ලබා ගැනීම සඳහා හොඳම ක්‍රමයක්.

04. බර කිරා බැලීමට අමතක වීම

දිනපතා බර කිරන එක ඔයාට ඔයාගෙ බර අඩු කරගන්න ඕනෙ කියලා දැනෙන්න හොඳ ක්‍රමයක්. ඒ නිසා උදේට මොනවහරි කන්න බොන්න කලින් ඔයාගෙ බර කිරන්න පුරුදු වෙන්න.

05. උදේට ඉතාම සුළු ආහාරයක් ගැනීම

පර්යේෂණ කරන අය කියන්නේ ඔයා උදේට හොඳ රසවක් හා ගුණවත් ආහාර වේලක් ගන්න ඕනෙ කියලයි. ඒ නිසා කැලරි 600ක්, ප්‍රෝටීන්, කාබෝහයිඩ්‍රේට් තියන උදේ ආහාරයක් හා අතුරුපසක් අඩංගු සමබර උදේ ආහාරයක් ගන්න පුරුදු වෙන්න.

06. ආහාර ගැනීමේදී අවධානය වෙන දෙයකට යොමු කිරීම

ආහාර ගන්නා විට ටීවී බලන්න හෝ වෙනත් වැඩක නිරත වෙන්න ගොඩක් අය පුරුදු වෙලා ඉන්නවා. මේක ඔයාගෙ බර වැඩි විමට ප්‍රධාන හේතුවක්. විශේෂයෙන් එතකොට ඔයා ආහාර ගන්නා ප්‍රමාණය ඔයා දන්නේ නෑ. කෑම කනකොට ඒකට අවධානය දෙන්න. ඔයාගෙ ආහාරයේ සුවඳ, පාට වගේ දේවල් ගැන අවධානය ‍යොමු කරන්න. ඔහේ ආහාර ගිලිනවා වෙනුවට ආහාරය රසවිඳින්න.

07. බඩගින්නේ ගෙදරින් පිටතට යාම

ගෙදරදි තමයි ඔයාට වඩාත් සමබල වගේම අඩු ආහාර වේලක් ගන්න ලැබෙන්නෙ. එහි පෝෂණය කැලරි ප්‍රමාණය, පිරිසිදුකම ආදිය ඔයා හොඳින් දැනුවත්. බඩගින්නේ ගෙදරින් පිටතට යන්න පුරුදු වුණොත් ඔයාට මගදී විවිධ ආහාර වර්ග කන්න හිතෙනවා. ඒනිසා ගෙදරින් පිටතට යද්දි බඩගින්නේ යන්න එපා.

08. මත්පැන් පානය කිරීම

බියර් වල සිට සියලුම ඇල්කොහොල් අඩංගු පානවල අඩුම තරමේ ග්‍රෑම් එකකට කැලරි 7ක් වත් අඩංගු වෙනවා. ඒත් ඔයාට මත්පැන් පානය සම්පූර්ණයෙන්ම නවත්වන්න ඕන නැහැ. පාලනය කරන්නයි ඕන. කාන්තාවන් දිනකට එක් වීදුරුවක් පිරිමින් දෙකක් ගැනීම මගින් බර වැඩිවීම පාලනය කරන්න පුලුවන්. (දිනපතා පානය කරනවා නම් විතරක්) පාටියකදී වගේ වෙලාවක නම් හැම ඇල්කොහොල් වීදුරුවක් අතරම හොඳ වතුර වීදුරුවක් පානය කිරීමෙන් අමතර සීනි හා කැලරි වලින් සිදුවන බලපෑම අඩු කරගන්න පුලුවන්.

09. මේද රහිත හා කැලරි රහිත යන දෙක පටලවා ගැනීම

බර අඩු ගන්න ඕන වුණු ගමන් ගොඩක් අය ඉක්මනට මේද රහිත ආහාර වලට මාරු වෙනවා. මේදය ඉවත් කලාම ආහාර වල රසය නැති වෙනවා. ඒක නිසා ගොඩක් මේ වගේ නිෂ්පාදනවලට ගොඩක් රසකාරක වර්ග එකතු කරනවා. ඒ නිසා මේද වෙනුවට කැලරි අඩු ආහාර තෝරා ගන්න.

10. එක තැනක ඉඳගෙන වැඩ කිරීම.

දවසේ වැඩි වෙලාවක් එකම ඉරියව්වෙන් සිටීමෙනුත් ඔයාගෙ බර වැඩි වෙනවා. විශේෂයෙන් ඔයාගෙ ඉණ ප්‍රදේශයේ ප්‍රමාණය වැඩි වෙනවා. රැකියාව කරන විට, ටීවී බලන විට වගේ වෙලාවල්වල ගොඩක් දෙනා මෙහෙම එකම තැනට වෙලා ඉන්නවා. ඔයා එකම විදියට පැය තුනක් ඉඳලා එකතු කරගන්න බර අඩු කරන්න ජිම් එකක පැය භාගයක් වත් මදි. ඒ නිසා පුලුවන් තරම් වරින් වර නැගිටින්න. නිතරම ඉඳගෙන ඉන්න ඉරියව්ව වෙනස් කරන්න.

Leave a Reply

Your email address will not be published. Required fields are marked *