ඔබගේ සිහින ශරීරය ලබා ගැනීමට ඉඩ නොදෙන ඔබ සිදු කරන වැරදි ව්‍යායාම 9ක්

හැඩැති සිහින් සිරුරක් ලබාගන්න අපි හැමෝම කැමතියි. ඒ වෙනුවෙන් අපි ගොඩක් දේවල් කරනවා. ඒ අතරින් ප්‍රධානම දෙයක් තමයි ජිම් ගිහින් ව්‍යායාම කරන එක. ජිම් වල ලොකු වෙලාවක් ගත කලත් තමන්ට අපේක්ෂිත ප්‍රතිපල ලැබුණෙ නෑ කියලා ගොඩක් අය කියනවා. මේකට හේතුව මොකක් වෙන්න පුළුවන්ද කියලා අපි හොයලා බැලුවා.

ඉතින් මේ ගැටලුවට විසදුම් තමයි අද අපි ඔයාට ලබා දෙන්න යන්නේ. බලන්නකෝ මේ දේවල් ඔයා කලින් දැනගෙන හිටියද කියලා. ඔයත් ජිම් ගියාට ලස්සන ඇඟක් හදාගන්න බැරි වුණා කියලා දුක් වෙන කෙනෙක් නම් මේ ලිපිය ඔයාට ගොඩක් ප්‍රයෝජනවත් වෙයි.

09. බොහෝ වෙලාවක් හෘද ව්‍යායාම සිදු කිරීම

හෘදයට ව්‍යායාම ප්‍රයෝජනවත් බව ගොඩක් අය විශ්වාස කරන දෙ‍යක්. ඒත් ඔයා මේක කරන්නනෝන සීමාවක් ඇතුව විතරයි. ඕනෑවට වඩා වෙලාවක් හෘද ව්‍යායාම කිරීම නිසා ඔයාගෙ හෘද වාහිනී පද්ධතියට අහිතකර ලෙස බලපෑම් ඇති වෙන්න පුලුවන්. හෘද රෝග සඳහාද මේ තත්වය බලපාන්න ඉඩ තියනවා. ඒ නිසා ඔයත් හෘද ව්‍යායාම සිදු කරනකොට ඒකට යම් කිසි සීමාවක් තියාගන්න අමතක කරන්න එපා.

08. අඩු කැලරි ප්‍රමාණයක් සහිත ආහාර ලබා ගැනීම

හෘදය වයසට යාමේ වේගය අඩු කිරීමට වගේම හෘද වාහිනී රෝග වළක්වා ගැනීමට අඩු කැලරි ප්‍රමාණයක් තියන ආහාරවලින් පුළුවන්කම තියනවා. ව්‍යායාම අතරතුර ශරීරයට ප්‍රෝටීන්, මේදය හා කාබෝහයිඩ්‍රේට් යම් මාත්‍රාවකට අවශ්‍ය වෙනවා. සැමන් හා අලිගැට පේර වගේ සෞඛ්‍ය සම්පන්න මේදය සහිත ආහාර ඔයාගෙ ආහාර වේලට ඇතුළත් කර ගැනීම මගින් ඔයාගෙ ශරීරයට අවශ්‍ය මේදය ලබා ගන්න පුලුවන්. හැමවිටම අඩු කැලරි ප්‍රමාණයක් සහිත ආහාර ලබා ගැනීම ඔයාගෙ ශරීරයට අහිතකර නිසා එම ආහාර නිතරම අනුභව කරන්නත් එපා.

07. ක්‍රීඩා බීම වර්ග පානය කිරීම

ක්‍රීඩා බීම නිසා ඔයාගෙ සිරුරට වෙන්නෙ යහපතට වඩා හානියක්. ඔයා මේ ක්‍රීඩා බීම දැඩි ව්‍යායාමයකදී හෝ ව්‍යයමයකින් පසුව භාවිතා කරනවා නම් ඒක ඔයාට හොඳම නෑ. ඛනිජවලට අමතරව ඒවායේ සීනි විශාල ප්‍රමාණයක් අන්තර්ගත වීම තමයි මේකට හේතු වෙන්නෙ. ඒ නිසා හැමවිටන මේ වගේ බීම පානය කිරීමෙන් වැළකී සිටිනවා නම් වඩා හොඳයි.

06. ව්‍යායාම කරන අතරතුර ජලය පානය නොකිරීම


ව්‍යායාම කිරීමේදී ජලය පානය නොකිරීම ගොඩක් දෙනා අතින් සිදුවන වැරැද්දක්. ඒත් මේක ඔයාට අහිතකර බව සමහර විට ඔයා දැනගෙන ඉන්නත් නැතුව ඇති. ව්‍යායාම කිරීමේදී ශරීරයේ තරල දහනය වෙනවා. ජලය සම්පූර්ණයෙන්ම නැති වීමෙන් ශරීරයේ ක්‍රියාවලි දුර්වල වෙන්න පුලුවන්. එමගින් ඉයාගෙ සෞඛ්‍යය දුර්වල වෙනවා. ඒ නිසා අනිවාර්යයෙන්ම ව්‍යායාම කරන අතරතුරදී ජලය පානය කරන්න මතක තියාගන්න.

05. වැඩිපුර ආහාර ලබාගැනීම

නිතිපතා ව්‍යායාම කිරීම ගොඩක් හොඳ දෙයක් වුණත්, සමහර අය නිතිපතාම ව්‍යායාම කරන අතර ගොඩක් කෑමත් කනවා. ඇත්තටම මේක සුදුසු දෙයක් නෙවෙයි. ඒත් ඔයාගෙ බර ගැන හිතලා අඩු කැලරි තියන ආහාර හැම විටම ආහාරයට ගන්න එකත් සුදුසු නෑ. ව්‍යායාම විතරක් නෙවෙයි, නිවැරදිව ආහාර ගැනීමත් මෙහිදී ගොඩක් වැදගත්. සාමාන්‍යයෙන් කිලෝකැලරි 500 ක විතර ප්‍රමාණයක් තමයි, පැයක් තුළ ජිම් එකේ ව්‍යායාම කිරීමෙන් දහනය වෙන්නේ.

04. හිස් හෝ හොඳින්ම පිරුණු බඩක් ඇතිව ව්‍යායාම කිරීම

හිස් හෝ සම්පූර්ණයෙන් පිරුණු බඩක් ඇතිව ව්‍යායාම කරන එකත් සුදුසු නෑ. මේ නිසා ඇතිවන තෙහෙට්ටුව හා අසනීප බව නිසා ඔයාට ව්‍යායාම ඉවර කරන්න හැකියාවක් ලැබෙන්නේ නෑ. ඒ නිසා හැමවිටම ජිම් එකට යන්න පැය 2 කට කලින් ආහාර ගන්න. එතකොට ඔයාට සාර්ථක හා ඵලදායී ලෙස ව්‍යායාම කරන්න පුලුවන්.

03. ව්‍යායාම කිරීමෙන් පසු ස්නානය කිරීම

දැඩි ව්‍යායාමයකින් පසු ස්නානය කරන එක සුදුසු නෑ. ව්‍යායාම කරන් අතරතුරදී ඔයාගෙ රුධිර පීඩනය ඉහළ යනවා. පුහුණුව අතරතුර, තරල විශාල ප්‍රමාණයක් නැති වී යන නිසයි මෙහෙම වෙන්නෙ. ස්නානය කිරීමෙන් අසනීප හෝ ක්ලාන්ත ගතියක් දැනෙන්න ඉඩ තියනවා. ඒ වෙනුවට හොඳින් වතුර පානය කරන්න.

02. ශරීරය සිසිල් නොකිරීම

දැඩි ව්‍යායාමයකින් පසුව මාංශ පේශි ඇදීමට අමතක කරන්න එපා. එමගින් ඊළග දිනයේ මාංශපේශි වේදනාව ඇති වෙන එකෙන් වළකින්න පුලුවන්.

01. දිනපතා ව්‍යායාම කිරීම

නිතිපතා ව්‍යායාම කිරීම හා නිසි පෝෂණයක් ලබ ගැනීම මගින් නිරෝගී ශරීරයක් හිමිකරගන්න පුලුවන්. මේකෙන් අදහස් වෙන්නෙ දිනපතා ව්‍යායාම කිරීම නෙවෙයි. ඔයා නිරන්තරයෙන් වැඩ කරන කෙනෙක් නම් ඔයාට නිරන්තරයෙන් වෙහෙස දැනෙනවා ඇති. ශරීරයේ කෝටිසෝල් හෝමෝන මට්ටම ඉහළ යාම නිසාත් ඔයාගෙ බර වැඩි වෙන්න පුලුවන්. ඕනෑවට වඩා ව්‍යායාම කිරීමෙන් වැළකීම , විවේක ගැනීම, ප්‍රමාණවත් නින්දක් ලබා ගැනීම හා හොඳින් ආහාර ගැනීම මගින් මේ තත්ත්වය වලක්වා ගන්න පුලුවන්.

Leave a Reply

Your email address will not be published. Required fields are marked *