නානකොට ඔබ මුලින්ම සෝදන අවයවය මගින් ඔබේ පෞරුෂය ගැන දැනගන්න

නාන වෙලාවට ඔයා මුලින්ම සෝදා ගන්න ශරීර කොටස මගින් ඔයාගෙ පෞරුෂත්වය ගැන කියන්න පුලුවන් කියලා ඔයා දැනගෙන හිටියද?

ගොඩක් අය උදේට ස්නානය කිරීමෙන් පස්සෙ තමයි දවස පටන් ගන්නේ. කොහොම වුණත් අපි ස්නානය කරන ආකාරය එකිනෙකාට සමාන නෑ. අපි දන්නෙ නැති වුණාට එක ශරීර අවයවයක් සමගින් නෑම ආරම්භ කිරීමේ පුරුද්දක් අපි හැමෝටම තියනවා. ඒ තීරණය ගන්නේ අපේ ශරීරයෙන්. ඒ වගේම එමගින් අපේ පෞරුෂය ගැන ගොඩක් දේ කියවෙනවා.

ස්නානය කරන විට මුලින්ම සෝදා ගන්නා ශරීර කොටස් මගින් අපි ගැන කියන්නේ මොන වගේ දේවල්ද කියලා දැන් අපි බලමු.

01. මුලින්ම මුහුණ සෝදනවා නම්

ඔයා මුලින්ම සෝදා ගන්නේ ඔයාගෙ මුහුණ නම්, මූලිකවම ඔයා සුවඳ, පෙනීම, රසය, ස්පර්ශය සහ ඇසීම කියන දේවල්වලට වැඩිපුර නැඹුරු කෙනෙක්. ඒ කියන්නේ ඔයා ඔයාව හඳුනගන්නෙ කොහොමද කියන එක ගැන වැඩියෙන් සැලකිලිමත් වන අතර එමඟින් අනිත් අය මුලින්ම දකින දෙය – මුහුණ ගැන වැඩි සැලකිල්ලක් දක්වන කෙනෙක් බවයි.

ඔයා හැමවෙලාවෙම අනිත් අය ඔයා ගැන හිතන දේවල් ගැන දුක් වෙන කෙනෙක්. සමහර විට කලකිරීමට හෝ ආතතියට පත්වන අතර ලැජ්ජාවට ද පත් වෙනවා. මේ අයට තමන් ගැන නරක දේ අහන්න අමාරුයි.

02. මුලින්ම අත් හෝ කකුල් සෝදනවා නම්

මුලින්ම කකුල් සෝදනවා නම් ඔයාව නිහතමානී පුද්ගලයෙකු විදියට හඳුන්වන්න පුලුවන්. ඒ විතරක් නෙවෙයි.මේකෙ තවත් පැත්තක් තියනවා. අත් හෝ කකුල්, ශක්තියේ හා අධිෂ්ඨාන ශක්තියේ සංකේත ලෙස හඳුන්වනවා. මේ අනුව, ඒවා මුලින්ම සේදීම මගින් පෙන්නුම් කරන්නේ ඔයා අදහස් හෝ තේරීම් ප්‍රකාශ කරන්න බය නැති කෙනෙක් කියලයි. බියක් නොමැති බවයි. එක්කෝ ඔයා යම් දෙයකට වෛර කරනවා හෝ ආදරය කරන බවයි.

ඔබ පළමුව ඔබේ අත් සේදීමට නැඹුරු නම්, ඔබ බොහෝ විට විශ්වාසවන්ත සහ සත්‍යවාදී පුද්ගලයෙකු ලෙස ඔබේ සමාජ කවයන් තුළ ජනප්‍රිය වේ. වෙහෙස මහන්සි වී වැඩ කිරීමට බිය නොවන තැනැත්තෙකි.

03. මුලින්ම පෞද්ගලික අවයව සෝදනවා නම්

නාන වෙලාවට මුලින්ම පෞද්ගලික කොටස් සෝදා ගන්න කෙනෙක් නම්, ගොඩක් වෙලාවට ඔයා හරිම ලැජ්ජාශීලී කෙනෙක්. ඒ වගේම අඩු ආත්ම අභිමානයක් තියන කෙනෙක් විදියටත් හඳුන්වන්න පුලුවන්. සමාජ කණ්ඩායම් තුළ ඔයා කැපී පෙනෙන කෙනෙක් නෙවෙයි. ඒත් ඔයාව ළඟින්ම ඇසුරු කරන අය, ඔයා පෘථිවියේ ඉන්න වඩාත්ම අව්‍යාජ පුද්ගලයා විදියට දකින්න පුලුවන්. ස්ථාවර තීරණ ගන්න එක ඔයාට ටිකක් අමාරු දෙයක්. ඒත් ඔයාට සමීප අයට ඔයාගෙ ඇසුර තුළ සුවපහසුවක් ඇති කරන්න පුලුවන්.

04. මුලින්ම පපුව සෝදනවා නම්

ස්නානය කරන විට මුලින්ම සෝදන්නේ පපුව නම්, ඔයා විශ්වාසයෙන් හා සුවපහසුවෙන් ඉන්න කෙනෙක් වෙන්න පුලුවන්. ඒ වගේම ඔයා ප්‍රායෝගික වන අතර ඉතා සරලයි. ස්වාධීන වීමට කැමති අතර මිනිසුන් මේ සඳහා ඔයාව අගය කරයි.

05. මුලින්ම හිසකෙස් සෝදනවා නම්

ඔයා ස්නානය කරන විට මුලින්ම සෝදන්නේ හිස හෝ හිසකෙස් නම්, ඔයා විනයගරුක හා පිළිවෙලට කැමති කෙනෙක්. ශරීරයේ ඉහළම කොටස සාමාන්‍යයෙන් ශක්තිය හඟවන අතර මුලින්ම එය සේදීම මගින් ඇඟවෙන්නේ ඔයාට හැම දෙයක් ගැනම ස්ථිර මතයක් තියන බවත් ඔයා ප්‍රායෝගික යැයි විශ්වාස කරන බවත්ය. කාලය හොඳින් කළමනාකරණය කරනවා වගේම වෙලාවට වැඩ කරන්නත් ප්‍රසිද්ධයි. මිතුරන් තෝරාගැනීමේදී ඔයා ධනයට වඩා බලන්නෙ මොළයයි.

06. මුලින්ම උරහිස් සහ බෙල්ල සෝදනවා නම්

වැඩියෙන් වෙහෙස මහන්සි වෙලා වැඩ කරන අය ගොඩක් වෙලාවට බෙල්ල හා උරහිස් ප්‍රදේශය සේදීම සිදු කරනවා. උරහිස් මගින් බරක් නිරූපණය කරනවා. හැම දෙයක්ම පරිපූර්ණව ඉටු කර ගැනීමේ බරින් මිදෙන්න ඔයාට හැමවිටම අවශ්‍ය වෙනවා. ඔයා ධනාත්මක පුද්ගලයෙක් වන අතර අනෙක් අයගෙනුත් ඒක බලාපොරොත්තු වෙනවා. ඒ වගේම ඔයා ගොඩක් තරඟකාරී කෙනෙක් වන අතර අනෙක් හැමෝටම වඩා අඩියක් හරි ඉදිරියෙන් ඉන්න කැමතියි.

07. ඔබ මුලින්ම ඔබේ පිට සේදුවහොත්

පිට ප්‍රදේශයෙන් පෙන්වන්නේ විඥානයයි. පිටුපසට ඔයාගෙ කොඳු ඇට පෙළ හා ස්නායු පද්ධතිය සම්බන්ධ වන අතර එමගින් මොළයේ ක්‍රියාකාරිත්වයට විශාල කාර්යයක් ඉටු කරනවා. පිටුපස මුලින්ම සේදීම මගින් කියන්නෙ ඔයා හැම විටම ඉතා සුපරීක්ෂාකාරී වන අතර මිනිසුන් පහසුවෙන් විශ්වාස නොකරන කෙනෙක් කියලයි.

ඒ වගේම ඔයාට ගැඹුරින් කරුණු හොයලා තීරණ ගැනීමේ පුරුද්දක් තියනවා. තනියම ඉන්න කැමතියි. මේ පරීක්ෂණය විනෝද අරමුණු සඳහා විතරක් වන අතර වෘත්තීය මතයක් ලෙස සලකන්න අමාරුයි.

Leave a Reply

Your email address will not be published. Required fields are marked *