ලස්සන පපුවක් ලබා ගැනීමට ඉතා වටිනා යෝගා ඉරියව් 7 ක්

ඛැම කෙනෙක්ගෙම හිතේ තියන සිහින ශරීරය දැන් තවදුරටත් හීනයක් නෙවෙයි. මෙච්වර කල් ඔයා ආසාවෙන් හිටපු හැඩැති ඇඟ දැන් ඔයාට ඇත්තටම ලබාගන්න පුලුවන්. පිරිපුන් පියයුරු යුගලක් කියන්නෙත් ඔයා සිහින දැකපු ශරීරයේ තවත් අංගයක්. සෘජු, පිරිපුන් පියයුරු යුගලක් ලබාගන්න කවුද කැමති නැත්තෙ. ඔන්න දැන් ඔයාට ඒක හිතුවටත් වඩා ලේසියි.

අද අපි ඔයාට කියන්න යන්නෙ වඩාත් කාර්යක්ෂම යෝග ඉරියව් කිහිපයක් ගැනයි. එමඟින් ඔයාගෙ පියයුරු වල හැඩය හා පෙනහළුවල පරිමාව වැඩි දියුණු කරගන්න ඔයාට පුලුවන්. ඒ විතරක් නෙවෙයි, ඔයාට වෙනදාට වඩා ශක්තිමත් හා සෞඛ්‍ය සම්පන්න බවක් දැනෙන්නත් මේ යෝග ව්‍යායාම උදව් වෙනවා.

01. රණශූරයාගේ ඉරියව්ව-වීරභද්‍රාසනා

මේ ඉරියව්ව නිසා ඔයාගෙ ශරිරයට ශක්තියක් දැනෙන්න පටන් ගන්නවා. ඒ වගේම ඔයාගෙ උරහිස් පළල් කරලා ඒවා ඇදෙන සුළු හා ක්‍රියාකාරී බවට පත් කරන්නත් උදව් වෙනවා.

  • ඔයාගෙ කකුල් දෙක එකිනෙකට සමාන්තරව තියාගන්න.
  • වම් කකුල වමට අංශක 90 ක් හා දකුණු කකුළ ඇතුළට හරවන්න. හුස්ම ගනිමින් වම් දණහිස පැත්තට නැමෙන්න.
  • ඔයාගෙ දකුණු කකුල කෙළින් තියාගන්න. අත් දෙක ඔසවා උරහිස් වලට කෙළින් තියාගන්න. මැණික් කටුව දිහා බලාගෙනම ඔයාගෙ ඔලුව වමට හරවන්න.
  • මේ ව්‍යායාමය 7-10 වතාවක් නැවත නැවත කරන්න. ආයෙත් දකුණු පැත්තට කරන්න පටන් ගන්න.
02. ත්‍රිකෝණාකාර ඉරියව්ව-ත්‍රිකෝණාසනා

මේ ඉරියව්ව මගින් ඔයාගෙ පපුව ලිහිල් කරනවා. ඒ වගේම කොඳු ඇට පෙළේ නැමෙන ගතියත් වැඩි කරනවා. ශරීරය පුරා ලේ ගමනාගමනයත් වැඩි දියුණු කරනවා.

  • කකුල් දෙක පළල් කරන්න. වම් කකුල අංශක 90 ක් හා දකුණු කකුල අංශක 15 ක් හරවන්න.
  • වම් වළලුකර වම් අතෙන් අල්ලන්න. ටික දවසක් යනකොට ඔයාට අත්ල බිම තියන්නත් පුලුවන් වෙනවා.
  • දැන් දකුණු අත ඉහළට දිගු කරලා අත් දෙක සරල රේඛාවක් ගැදෙන විදියට තියාගන්න. දණහිස් හා කොඳු ඇට පෙළ කෙළින් තියාගන්න.
  • ඔයාගෙ මුහුණ උඩට ඔසවමින් ඇඟිලි දිහා බලන්න. මේ විදියටම අනෙක් පැත්තටත් ව්‍යායාමය නැවත කරන්න.
03. නයාගේ ඉරියව්ව-බුජංගාසනා

මෙමගින් ඔයාගෙ පෙනහළු පරිමාව වැඩි කරගන්න උදව් වෙනවා. ඒ වගේම පපුවේ මාංශ පේශි දිගු කිරීමටත්, බඩේ මාංශ පේශි ශක්තිමත් කිරීමටත්, ඉරියව් වැඩි දියුණු කිරීමටත් උපකාරී වෙන ඉරියව්වක් තමයි මේ.

  • මුණින් අතට වැතිරී ගැඹුරින් හුස්ම ගන්න. ඇඟේ පහල කොටස බිම තියාගෙනම ඇඟේ උඩ කොටස හිමීට ඔසවන්න. කකුල් හා අත් සමතුලිතව තියාගන්න.
  • දැන් ඔලුව උස්සලා උඩ බලන්න.
  • හෙමින් හුස්ම පිටකරමින් මුලින්ම හිටපු ඉරියව්වට එන්න. ටිකෙන් ටික ඔයා මේ ඉරියව්වේ ඉන්න කාලය වැඩි කරගන්න උත්සාහ කරන්න.
04. දුනු ඉරියව්ව-ධනුරාසනා

කොන්දේ වේදනාව තියන ඕනම කෙනෙක්ට හොඳම ව්‍යායාමයක් තමයි මේ. මේ අභ්‍යාසය සම්පූර්ණ කොඳු ඇට පෙළ දිගු කිරීමට හා පියයුරු අලංකාර ලෙස හැඩගස්වා ගැනීමටත් උපකාරී වෙනවා.

  • මුණින් අතට වැතිරිලා හුස්ම ගන්න. දණහිස්වලින් නැමී ඔලුවේ පිටිපස්සට දණහිස් ඔසවන්න. අත්වලින් වළලුකර අල්ලාගෙන ඉන්න.
  • දැන් ආයෙත් හෙමින් හුස්ම ගන්න. කකුල් හා අත් දෙක පුලුවන් තරම් උඩට අදින්න. ඔයාගෙ ඉණ හා පියයුරු බිමෙන් උඩට ඔසවා බඩ සමබරව තියාගන්න.
  • මේ ඉරියව්වේ තත්පර 30 ක් රැඳී සිටීමට උත්සාහ කරන්න.
05. රෝද ඉරියව්ව-චක්‍රාසනා

ඔයාගෙ පපු කුහරය, කොඳු ඇට පෙළ හා බෙල්ල දිගු කිරීමට, තෙහෙට්ටුව නැති කිරීමට හා හිසරදය සුව කිරීමට මේ ඉරියව්ව ගොඩක් ප්‍රයෝජනවත් වෙනවා.

  • උඩුබැලි අතට වැතිරෙන්න. ඔයාගෙ කකුල් උරහිස්වල පළලට වඩා ටිකක් වැඩියෙන් තියාගන්න.
  • දැන් කකුලේ ඇඟිලි තුඩුවලින් ඉස්සෙමින්, හුස්ම ගනිමින් පියයුරු හා ඉණ ඔයාට පුලුවන් තරම් ඉහළට ඔසවන්න. අත් දෙක සම්පූර්ණයෙන්ම කෙළින් තියාගන්න.
  • තත්පර 30 ක් මේ ඉරියව්වේ රැඳී සිටීමට උත්සාහ කරන්න.
06. හෙඩ් ස්ටෑන්ඩ් ඉරියව්ව-සලඹ සිරසනා

මේ ඉරියව්ව කොඳු ඇට පෙළේ හා පපු කුහරයේ අස්ථි හා මාංශ පේශි සඳහා ගොඩක් හොඳයි. එමගින් හුස්ම ගැනීම හා රුධිර ප්‍රවාහය වැඩි දියුණු කරනවා. ඔයා හොඳින් පළපුරුදු කෙනෙක් නම් විතරක් මේ ඉරියව්ව පුහුණු වෙන්න.

  • දණහිස්වලින් හිටගන්න. නළල බිම තියාගන්න. අත්වල ඇඟිලි එකට බැඳගෙන ඔයාගෙ ඔලුව පිටුපස බිම තියාගන්න.
  • දණහිස් නවන්න. හුස්ම ගනිමින් කකුල් දෙක බිමෙන් ඉහළට ඔසවන්න.
  • තත්පර 30 සිට විනාඩි 2 දක්වා මේ ඉරියව්වෙන් රැඳී සිටින්න උත්සාහ කරන්න.
07. ඔටුවන්ගේ ඉරියව්ව-උස්ත්‍රාසනා

මේ ඉරියව්වත් කොන්දේ අමාරු නැති කරන්න ගොඩක් ප්‍රයෝජනවත් වෙනවා. ඒ වගේම පෙනහළුවල පරිමාව වැඩි කරගන්නත්, පපු කුහරය ශක්තිමත් කරගන්නත් හොඳම ඉරියව්වක් තමයි මේ.

  • දණහිස් වලින් හිටගන්න. කකුල් දෙක ලං කරගන්න.
  • හෙමින් පිටිපස්සට නැමිලා ඔයාගෙ අත් දෙක විළුඹ මත තියන්න. දැන් කොන්ද ඒ පැත්තට නවන්න. මෙහිදී ඔයාගෙ ඔලුව බිමට නැමිලා තියෙන්න ඕන.
  • තත්පර 30 ක් මේ ඉරියව්වේ රැඳී සිටින්න. ආයෙත් පටන් ගත් ඉරියව්වට එන්න.

Leave a Reply

Your email address will not be published. Required fields are marked *